Takk fyrir frábært mót

Unglinganefnd Knattspyrnufélags ÍA vill koma á framfæri þakklæti til allra sem tóku þátt í Kaupþingsmótinu um helgina. Við viljum þakka gestum, keppendum, foreldrum, þjálfurum, liðsstjórum, sjálfboðaliðum, starfsfólki Akraneskaupstaðar og öllum öðrum sem að mótinu komu á einn eða annan hátt. Síðast en ekki síst viljum við þakka Akraneskaupstað og öllum þeim fyrirtækjum sem styrkja svona mót og gera okkur í raun kleift að halda svona mót.

 

Stjórn UKÍA 

Myndir af mótinu er komnar á netið

Myndsmiðjan á Akranesi tekur myndir á mótinu og eru þær til sýnis hér. Ef þið hafið áhuga á að fá eintök af þessum myndum þá skuluð þið hafa samband við Myndsmiðjuna. Tölvupóstur hjá þeim er [e-mail]

Sýn á Kaupþingsmóti

Sjónvarpsstöðin Sýn hefur boðað komu sína á Kaupþingsmótið. Íþróttafréttamenn stöðvarinnar og myndatökumenn á þeirra vegum mun fylgjast með gangi mála.

Afraksturinn verður sýndur í sérstökum þætti á Sýn. Fulltrúar frá Sýn verða á svæðinu alla mótsdagana þar sem að dagskrá vetrarins verður kynnt en eins og flestir vita verður enska úrvalsdeildinni á dagskrá Sýnar næsta vetur.

Það er því mikilvægt að vera með hárgreiðsluna
og brosið í lagi á Kaupþingsmótinu.

Skipulag matartíma og sundferða

Skipulag sundferða og matartíma er að finna hér

Staðfest skráning og fjöldi

Svona lítur skráningin út.  Eins og er þá er fullskipað í riðla í B, C og D liðum en ennþá er pláss fyrir 4 A lið.

 

Athugið að einungis er pláss fyrir 24 lið að hámarki í hverjum liðaflokki.
Félag	A-lið	B-lið	C-lið	D-lið	Alls	Drengir
Breiðablik	1	3	3	3	10	90
FH	1	1	1		3	26
Fjölnir	1	1	1	1	4	40
Fram	1	2	1	1	5	45
Fylkir	1	2	1	1	5	44
Grindavík	1	1	1		3	23
Grótta	1	1		1	3	30
Haukar	1	1	1	1	4	35
HK	1	1	1	1	4	40
ÍA	1	1	1	2	5	45
ÍBV	1	1	1	1	4	33
ÍR	1	1	1	1	4	40
Keflavík	1		1	1	3	29
KR	1	1	3	1	6	46
Leiknir R		1		1	2	20
Njarðvík	1		1		2	20
Selfoss		1		1	2	20
Stjarnan	1	1	2	2	6	50
Valur	1	1	1	1	4	40
Víkingur	1	1	1	2	5	43
Þróttur R	1	1	2	1	5	41
Ægir		1		1	2	16
ÍA Gestir	1				1
	20	24	24	24	92	816

 

Stefnir í metfjölda

Það stefnir í metþátttöku á Kaupþingsmótinu og allt útlit fyrir að rúmlega 90 lið taki þátt. Svava Ragnarsdóttir starfsmaður UKÍA hefur umsjón með skráningu á mótið líkt og undanfarin ár.

Svava segir að aldrei áður hafi skráningar skilað sér jafnvel og til samanburðar má nefna að í fyrra tóku 85 lið þátt, í keppni A, B, C og D-liða.

Allar nánari upplýsingar um mótið er að finna á þessari síðu en einnig er hægt að hafa samband með því að senda tölvupóst á [e-mail] eða á faxi; 431-3012.

Svava Ragnarsdóttir er einnig til aðstoðar í síma 433-1109/896-2623 . 

 

 

Skráning á Kaupþingsmót 2007

Minnum á skráningu á Kaupþingsmótið á Skaganum.

Mótið verður haldið 22.-24. júní 2007.
Smellið á meira til að fá nánari upplýsingar 

Unglinganefnd Knattspyrnufélags ÍA ( UKÍA ) vill minna á Kaupþingsmótið sem félagið heldur í sumar fyrir 7. flokk karla, en mótið fer fram helgina 22.-24. júní 2007.

Mótið hefur verið í stöðugri sókn og á undanförnum misserum hafa færri félög komist að en viljað hafa. Í ár verður þátttakan takmörkuð við 24 lið í hverjum flokki (A,B,C,D og því er mikilvægt að liðin staðfesti þátttöku sem fyrst.

Nýtt fjölnota íþróttahús, Akraneshöllinn, gefur mótinu enn  fleiri möguleika en áður og upplifun keppenda verður án efa jákvæðari. Á mótinu verða margir leikir fyrir keppendur, vel útilátnum mat og hinu margrómaða foreldrakaffi.

Kostnaður vegna Kaupþingsmótsins er kr. 8,500,- pr.mann. Innifalið í verði: Gisting í skólastofu í tvær nætur, kvöldverður á föstudag, morgun-, hádegis- og kvöldverður á laugardag, morgunverður og grillveisla á sunnudag, sundmiðar, foreldrakaffi ofl.
 
Frítt verður fyrir einn fararstjóra / liðstjóra fyrir hvert lið frá hverju félagi. Hægt er að kaupa matarpakka fyrir farastjóra, liðsjóra og foreldra. Nánar auglýst síðar.

Staðfestingargjald er kr.4.500 kr. pr. lið og þarf að greiða það samhliða  þátttökutilkynningu, (afrit af greiðslukvittun). Staðfestingargjaldið greiðist inn á reikning 5705 í Kaupþingsbanka á Akranesi ( 0330-26-5705 ) kt. 570500-2360 og verður ekki dregið frá þátttökugjaldi við uppgjör (óafturkræft).

Þátttaka tilkynnist í tölvupósti [e-mail] eða á faxi; 431-3012.

Upplýsingar í síma 433-1109/896-2623 Svava Ragnarsdóttir. 

 Þórður Þórðarson 861-7050 & Hjálmur Dór Hjálmsson 864-3213 

Við vonumst til að sjá sem flesta á Akranesi í sumar.

Kveðja f.h. UKÍA

_____________________________

Svava Ragnarsd. starfsmaður UKÍA.