Takk fyrir komuna

Kaupþingsmótið árið 2009 heppnaðist gríðarlega vel. Fátt fór úrskeiðis og brosið á andlitum leikmanna segir alla söguna.

Stjórn UKÍA þakkar mótsgestum fyrir komuna og ánægjulega samveru undanfarna þrjá daga.

Að sjálfsögðu fá þeir aðilar sem komu að framkvæmd mótsins mestu þakkirnar. Iðkendur UKÍA og foreldrar barna í UKÍA stóðu vaktina samfellt í þrjá daga og að sjálfsögðu voru fjölmargir aðilar sem lögðu hönd á plóginn.

Takk fyrir komuna og takk fyrir aðstoðina.

Sjáumst í júní 2010.......

Athugasemdir

[Halldóra Björk Þórarinsdóttir 22.6.2009 kl. 22:47]

Takk fyrir frábæra helgi og skemmtilegt mót. Þetta var seinna áið okkar á skaganum og eigum við eftir að sakna þess að koma ekki aftur á næsta ári. Það stóð auðvitað uppúr hjá okkur var að vinna prúðmennsku bikarinn annað árið í röð. 

Það gleymdust grænar og hvítar gúmmítúttur í Grundarskóla hvernig er hægt að nálgast óskilamuni?

Kv. Halldóra Fylkis mamma

[Hörður Ó. Helgason 23.6.2009 kl. 23:02]

Til allra þeirra sem stóðu að Kaupþingsmótinu. Ég óska ykkur öllum til hamingju með frábæra vinnu við skipulagningu og framkvæmd á Kaupþingsmótinu. Ég  fylgdist örlítið með á föstudag og laugardag og var stórhrifinn. Stemningin var frábær. Ég hitti marga sem ég þekki og allir voru í sjöunda himni. Frænka mín heimsótti mig um helgina, hún og hennar maður voru hérna um helgina að fylgjast með syni sínum. Þau skorti orð til að lýsa hrifningu sinni. Það var allt 100%. Skipulag innan og utan valla, matur, aðstaða, kvöldvaka, veisla fyrir foreldra o.fl. o.fl., allt meiri háttar. Svo má ekki gleyma gestunum, þeir voru til fyrirmyndar, takk fyrir komuna í bæinn.  Með kveðju,Hörður Helgason